Barking Heads & Meowing Heads 支持領養!
Barking Heads & Meowing Heads 支持香港人領養寵物，令更多浪浪得以重新感受愛！
寵物並不是一時的衝動喔，若然當天選擇了成為牠們的主人，便是一生的主人了！
喜歡寵物的我們，可以先看看浪浪喔～ 有能力便拯救牠們的弱小心靈吧！！
在這裡分享你的領養故事吧，鼓勵身邊的人，支持領養！
我們香港的領養故事
【💜支持香港地領養
單車守護犬的故事💜】
我是一隻守護主人單車的「流浪犬」，我是番薯。每日在街市路邊，人來人往，但就是不見主人身影。
已經四個月了，朝七晚八守候著主人單車，怎麼主人就是不回來？我有乖乖的等呢…這次我有乖乖聽話呢…
義工看到可憐的小番薯，默默等待不曾出現的主人，實在叫人不忍心。所以義工們都會經過這街市路邊探望番薯。
有次更遇上了當時番薯的主人，義工都紛紛勸他把番薯帶回家。但他卻回應：「你們要，就把牠帶走。」
為了番薯著想，義工們只好帶牠離開。
差不多一年的時間了，番薯就找到了一位熱心照顧，愛錫的主人！
番薯主人：在我家７年了，現在萫薯巳经10歳了。希望佢能够健健康康,我就䦕心,希望更多人领養唐狗!
【💜支持香港地領養 -
情人節Mojo的故事💜】
我叫Mojo，我在情人節的時候找到了我的終身主人。
在２０１５年２月１４日對於平常人只是一個普通的情人節，而對於Mojo就係轉變一生嘅機會。
Mojo之前係比人唯棄係街到，幸運地被香港拯救貓狗協會 HK Saving Cat And Dog Association的義工拯救。
而百厭嘅Mojo係義工帶去診所做檢查時候係佐敦走甩！！一個小朋友由朝早十點幾一直走走走～ 睇得出非常活潑好動！！最後，被沿途嘅人發現係鐘樓，什至稱Mojo為巨型芝娃娃😂
利厲在於依位百厭仔走到夜晚十點，係尖沙咀中港城先捉到。
而命運嘅紅線連起左剛剛與老公結婚嘅現任主人，當時就係Facebook見到依隻百厭精。但自從返到協會後一直無人問津，可能就係為左遇見依家嘅主人。
主人：Mojo係我同老公剛結婚時領養嘅第一隻毛孩，領養日子剛巧係情人節，佢係我地最好既情人節禮物。
【💜支持香港地領養 -
一筒 ‧ 一瞳💜】
小時候嘅我，跟唔上媽媽嘅腳步，迫不得已要同貓媽媽係街上分離。身為流浪貓貓，生存完全唔容易，更何況只係剛出世幾個月嘅貓仔呢？
已經唔記得流浪左幾耐啦…幸運嘅我地遇到一位好心嘅人類帶左我去 香港拯救貓狗協會 HK Saving Cat And Dog Association，收留左我。
佢地叫我做一筒，因為當日救我嘅義工發現我有嚴重嘅流感。右眼被細菌感染，獸醫話我嘅病情已經去到好嚴重，右眼亦有可能會睇唔到野。義工們都對我不離不棄，什至用錢醫好我。雖然到最後我右眼已經睇唔返野，但上天安排我遇上一班熱心愛動物嘅組織，代替貓媽媽保護我。
回望返依家嘅我已經４歲啦～ 我被一戶好好嘅家庭收養左，仲同佢屋企嘅汪星人和睦相處。
主人：係2015年嘅10月，因為想為屋企添加一位新成員，一見到一筒就已經好想帶佢返屋企。同時，亦好想幫助到浪流嘅毛孩因而選擇領養。當時我地仍然係一位新手貓奴，亦都有擔心過會否同屋企嘅狗狗相處唔到。但意外地又相處得幾和諧喎佢地！
【💜支持香港地領養 -
一筒 ‧ 一瞳💜】
我叫Mitty，小時候我地三姊妹跟住媽咪在山頭流浪，媽咪因為保護我地，背脊受咗傷，當時正是2016年一個只有幾度，下著雨的寒冬。幸運地，被好心人發現咗，仲帶咗媽咪去睇醫生，之後我地被帶去香港拯救貓狗協會 HK Saving Cat And Dog Association嘅貓舍，仲幫我地搵有愛心的家庭領養.
後來我比一個有養貓豐富經驗嘅家庭領養咗，我好開心，以為幸福已經降臨。但因為我本身性格太驚青，所以去到領養家庭嘅第一晚, 叫喊左一整個晚上。第二朝，領養家庭要求義工帶我走, 被退回既原因係無辦法接受我太嘈!! 呢個經驗令我好失望. 雖然協會好努力安排我出席領養日繼續搵愛心家庭，每一次都有人話有意思領養我，但最後都係音信全無。幸福的家對我來講真係奢望嗎 ?
一日貓舍再一次將我嘅領養資訊放上Facebook，同日我終於遇上咗我嘅真正主人。媽媽已經同我生活左四年多，我不單享受緊媽媽無微不致既愛, 而且仲多了一個同我好似樣既貓咪做我弟弟。回想, 由返到屋企嘅第一日，媽媽就同我講，將來無論發生咩事，都一定唔會棄養我，會照顧我一生一世。我既幸福就從此開始.
Mitty主人Angela：十四年前，從寵物店買了一隻名種貓，一直照顧佢到終老。期間從媒體資訊上，得知繁殖場對待動物既實況，開始意識到以領養代替購買既重要意義。後來我家老貓因重病離開了，愛寵離開既打擊真係好大, 所以自己對將來是否會重新養貓都未能立定主意。後來因為一張流浪貓的照片，改變左我既想法，決定將對之前離世愛寵的愛延續下去.
於是我去貓舍參觀，被一個可愛既小朋友吸引，打算比個家佢，但因為考慮咗兩日既時間，已經被人申請了。到第二朝返工前，見到Mitty被領養又被退回既消息在Facebook出現，當時好嬲，感覺動物生命不被尊重。我決定申請領養佢. 領養那天我向Mitty承諾，無論發生咩事，亦絕不會棄養你，因為你弱小心靈不能再次受傷害。
記得當時我刻意選擇放假前一天帶佢回家，就算如果Mitty回家嘅第一晚唔習慣或太驚，我都可以整晚陪住佢，安撫佢。今日回想，帶Mitty返到屋企既第一個晚上好深記憶，當晚我感覺人生可以好有意義，好美好。
領養 = 拯救生命，一個小生命就是因為你的決定，而被改寫了一生。
給牠一個家，一份愛，一個一生一世的承諾。亦係給予尋家既流浪動物一份希望。
【💜支持香港地領養 - 迂回曲折搵主人嘅 奶茶💜】
2015年12月29日，一位元朗街坊晚上在垃圾站遇上奶茶，當時奶茶大概三個月大。無助地望着眼前呼喚自己的人, 牠立下決心不再放過機會,
一直尾隨這個陌生人歸家, 因為牠確實需要一個家！！無奈街坊雖然同為愛狗之人，可惜因為家中已經有四隻狗狗實在收容不下。
還好, 遇上鄰居葉小姐，她二話不說就幫助照顧, 先安頓一晚，然後再幫奶茶尋找主人或找人領養！
第二天 立即行動在網上出貼文,，可惜一直無得到回應。
後來終於覓得一個家庭收養，但好景不常, 新主人養了兩年後卻因為要搬遷，而新居不能飼養動物。
在無辨法之下，奶茶再一次被遺棄，回到葉小姐身邊。2017年12月28日，葉小姐一隻18歲貓主子剛剛往彩虹橋去。湊巧的是奶茶第二次被遺棄正正是同一日。
這一天, 奶茶被帶回到葉小姐身邊.
難道緣份早已牽絆着奶茶跟葉小姐?
難道兩年前貓主子與奶茶有個約定？
難道貓主子要奶茶好好代替自己倍伴葉小姐？
不論原因是甚麼，現在都是大團圓結局, 葉小姐已經由貓奴轉職為汪奴！奶茶亦升格為汪主子了❤❤
葉小姐：起初都想再幫佢尋找新主人，但相處耐左，實在唔捨得。而唐狗天性董事, 特別是曾經被遺棄過 流落街頭的, 更加乖巧懂性。最後奶茶就進入我家成為我第四個寳貝女！
【💜支持香港地領養 - 迂回曲折搵主人嘅 奶茶💜】
大B，仔仔
每日都在街上流浪，每日都等餵貓姨姨餵牠嘅一餐。
佢係一隻非常親人可愛嘅貓，就係２０１６年復活節前夕3月30日零晨時份餵貓姨姨如常係村內餵流浪貓，發現失蹤多日嘅『大B
』終於出現
發現大B嘅行為同叫聲與以往不同，而且身沾污泥，仲有乾涸血跡係嘴巴附近，大B其實是在求救?????
由於昏暗街燈下沒有辦法睇清楚狀況，餵貓姨姨先開罐頭比大B，但眼見大B好似食得好辛苦咁，於是就跪低細心了解一下。一睇就嚇親！！原來大B嘴巴出現異樣，受左傷！！
＠香港拯救貓狗動物協會 收到餵貓姨姨訊息，馬上安排大B帶到診所檢查。
醫生指大B下巴傷勢係人為，而且係好大力踢過去大B嘴上，下巴被踢到脫下移向左邊，被一個變態虐貓人近距離打到下顎分開。傷口有細菌感染，照X-RAY檢查內藏，幸運冇任何內傷情況，冇感染愛滋、低溫、發燒。
但醫生估計應有一星期沒有食物到肚了，身體好虛弱加上脫水，怕大B承受唔到手術風險，所以決定留大Ｂ係院調理身體。
等身體好轉一Ｄ，再計劃做手術割去左邊下卾，將皮拉上縫合，希望之後可如常飲食，不過外觀就會同正常貓貓比較怪一ＤＤ！
住院2個月后康復出院，亦終於學懂進食～醫生表示🐱🐱大B🐱康復後也可如常進食😋😋😋，對佢以後嘅生活影響不大。今次手術，如康復理想，大B🐱將來只是在外觀上有些異樣，但將來一樣可以過正常生活!
餵貓姨姨去到醫院陪住大B🐱，等佢做手術，陪住佢醒返； 雖然個傷口痛痛令到大B🐱有啲坐立不安，但大B🐱一醒返見到餵貓姨姨就好嗲嗲🐷，仲識煲水添💦💦；
經過一個半月時間（出席2個領養日)🎉🎉終於找到大愛的主人Ruby and Raymond（他們之前已經是於ＨＫＳＣＤＡ領養一狗一貓)
新主人沒有嫌棄大B身上有少許殘缺(因餵食需要長的時間)👍👍👍仲好愛錫大B，視如親生仔咁看待。😍😍
依家大B已經搵到愛心爆棚，愛錫佢又包容佢嘅好主人
以後過著開心快樂的日子生活，唔駛再擔心被人虐待追打的流浪生活。
!!!注意!!!
現附上一條 大B 以往受傷情況之片段。影片內容可能令人不適，敬請留意。
Ｒｕｂｙ：我有留意開香港拯救貓狗協會既post, 睇到大B拯救既post，見到佢好慘， 之後都一直有 follow佢個post， 睇佢手術成功呀，之後出領養日呀。 我同老公就去佢個領養日見下佢，見到佢好乖，好可憐，之後同老公返屋企商量完就決定領養大B，終於大B耳加可以嘆世界啦，日日係床到哂太陽同瞓，日日有人餵佢食兩餐， 由初初2.xkg 到耳加4.5kg, 肥肥白白啦，我都好感謝當然救左佢既義工，機構同診所，令我地可以遇到大B
【💜支持香港地領養 - 愛滋貓貓 峰峰💜】
我叫蜂蜂，小時候大概只有幾個月大左右已經過著居無定所嘅日子，食得一餐得一餐嘅生活。
而流浪期間不但感染了貓愛滋，仲整傷咗一隻前腳。一路以來我都只係用三隻腳來走路。
有一日，遇到一位義工，佢見到我既情況，加上生活嘅環境好惡劣，於是帶咗我去香港拯救貓狗協會 HK Saving Cat And Dog Association嘅貓舍，希望我可以遇到一個有愛心嘅家庭收養我。
協會帶咗我去睇醫生，希望可以醫好我隻前腳。可惜因為我受傷太耐冇就醫，已經萎縮了，亦無手術可以做。從此，我就變成了一隻有殘障嘅貓咪。
我以為我嘅殘缺一定會比其他健全嘅貓咪更難搵到主人，但估唔到我嘅領養資訊放在協會Facebook兩日後，媽媽就即刻來貓舍探訪我，翌日更馬上同協會申請領養，希望用愛去填補我嘅缺憾。
宜家喺屋企，除咗有媽媽錫我之外，仲有一隻同我毛色和樣子都好似嘅貓咪做我家姐（Ｍｉｔｔｙ），一樣咁照顧同錫我。
媽媽身邊好多朋友見到我地嘅相，都以為我地係咪同一胎。
記得啱啱加入呢個家庭，家姐好快接受我而且感情非常好，經常一齊玩。雖然有時我會好霸道，但家姐每次都會讓我。
近年，我更加成為了動物老師，跟著媽媽去學校做關於領養動物嘅講座，做咗好多有意義嘅事。
更有媒體邀請媽媽做訪問，分享我嘅領養故事，宣揚將愛延續，以領養代替購買及鼓勵領養殘障動物。
主人Angela：一直都考慮要領養有殘缺嘅貓咪，因為覺得佢地被領養嘅機會相對低，所以想比佢地一個得到幸福溫暖嘅機會。其實照顧有殘缺同健全嘅貓咪分別不大，佢地一樣跑跑跳跳，活潑可愛，一樣值得得到一份愛。
蜂蜂雖然得3隻腳，但佢非常活躍，周圍跳，仲好靈活，經常帶歡樂比我同另一隻貓咪Ｍｉｔｔｙ。
佢亦教識我，身體雖然有缺憾，但唔會因為咁而放棄。生活一樣開心自在，從來沒有感覺自己與其他貓咪不同。
動物的外表唔完美並唔重要，因為佢地嘅心十分純真。寵物會係一個不論你富或貧，性格如何，都一樣全心全意愛你，陪住你經歷人生高低起跌的家人。
這是我第一次照顧有貓愛滋的貓咪，之前對呢個病不熟悉，都有擔心，但看過一些資料，發現貓愛滋並唔可怕，只要照顧得好，壽命一樣可以很長。有時我會這樣想，如果蜂蜂繼續過著流浪的生活，
沒有得到適當照顧，可能佢會無聲無息咁消失咗。既然上天安排咗我同佢相遇，我就決心要努力照顧佢一生一世。照顧殘疾動物可能會花多小小時間同耐性。但當見到佢地平安又溫暖咁生活時，一切都係值得。
【💜支持香港地領養 - 愛滋貓貓 峰峰💜】
小King自小就跟著媽媽到處流浪，可惜有媽媽庇護的日子並不長。媽媽一次為左保護孩子，被流浪狗咬傷，最後亦離世了小King需要獨自成長。😢😢
沒有了媽媽的照顧下雖然存活下來，但流浪生活並不易過。每日被其他喵星人欺負同驅趕，唯有自己一個孤令令搵地方躲藏。 ( ･ั﹏･ั)
餵貓姨姨送餐係佢每日最期待既事，但每次都要
等其他貓貓先食完，King仔才敢走出去食餘下餸尾。
一日一日咁過去，King仔漸漸長大，但卻仍然過着被欺負的日子 ⚡
加上佢生活嘅地方經常有被狗咬死同有疑似被人虐待而死嘅貓貓屍骸，令義工們都好擔心貓貓嘅安全。
有一次 CCCP（香港拯救貓狗協會）帶左King 仔去絕育, 義工發現原來King仔好痴人， 好乖、好溫順🐾🧡
但一諗到King 仔居住嘅地方唔安全，仲要日日過住擔驚受怕嘅日子，就非常心痛了。 ´• ل •`
於是義工著手為King 仔尋家作準備，帶Ｋｉｎｇ仔到診所檢查後，驗血報告一切正常。唯獨驗出了患有FIV（貓愛滋；又稱 貓免疫缺陷病毒）！
患有FIV 的貓貓，發病後有機會出現的症狀包括：經常性高燒、食慾不振、嘔吐、腹瀉、口腔或牙齦發炎、體重減輕、淋巴結腫大及脫水等
這個病毒並不會傳染人類的，只是由於免疫力的原故，稍一不慎的生病或受傷，就需要較長時間康復。所以主人需要更有耐性和付出時間去照顧.
